|
أنا حاسس إن واجب عليا دلوقتي حالا إني أنقل كل اللي حصلي في مظاهرات
يوم الغضب التاريخي، منعا للمغالطات و منعا إن الناس يوصلها معنى و درس
مستفاد خاطىء من اللي حصلي أو حصل لغيري.
وواجب على أي حد إتعرض للعنف أو للإهانة أو للتعذيب أ للإعتقال إنه
يقول قصته بشفافية للناس عشان يعرفوا تجربته و اللي إستفاده منها.
مش عشان يفضح انتهاكات جهاز الشرطة بس، بالعكس عشان كمان يقول لو كان
فيه قصص و معاني إيجابية حصلت و يدي أمل للناس و يعرفهم إن في معنى ورا
اللي حصله و بيحصل لمصر دلوقتي.
أنا هحكي القصة بإختصار للي مايعرفهاش.
إحنا كنا متظاهرين أمام دار الحكمة في شارع القصر العيني، و كان في
كردون من العساكر و الظباط محاوطنا، و كان نفسنا نروح للناس الثانية اللي
واقفين في ميدان التحرير.
على الساعة إثنين أو ثلاثة العصر قررنا إننا نحاول نروحلهم بأي شكل و
اللي يحصل يحصل.
بدافع الإندفاع كنت من أوائل الناس اللي بيزقوا العساكر و فعلا
إخترفنا العساكر و جرينا في إتجاه التحرير و مجلس الشعب.
وكان الشارع فاضي تماما، و في الأفق شفت بشر كثير، كنت فاكرهم
متظاهرين لحد ما خدت بالي إن كلهم لابسين إسود و جايين نحيتنا و معاهم
عصيان سودا، و إفتكرت مشاهد أفلام الحروب زي بريف هارت و جلادياتور، و عرفت
إحساس الحروب القديمة، و لقيت نفسي بجري عليهم في طليعة الناس، و لقيت ناس
بتحاول تهرب منا إحنا في الشوارع الجانبية بس واضح إنهم حاصروهم فرجعوا
ثاني، لحظة من البلبلة ثم الإنقضاض منهم علينا.
وكان معايا الآي فون بتاعي العزيز بحاول أصور كل ده.
إلى أن إجتمع حولي عدد لا بئس به من العساكر، و عملوا حواليا دايرة و
بدأوا الضرب بعصيانهم على دماغي و وشي و بطني و رجليا.
ودخل قائدهم الظابط المحترم المغوار اللي مش هنسى وشه ليوم الدين و
بدأ يضربني بالبونيات على وشي بشكل لم أكن أتخيل أن جسم البني آدم ممكن أن
يتحمله، و خد الآي فون العزيز الله يرحمه و داسه على الأرض و قعد يتنطط
عليه ثم فاق لنفسه و قالهم "سيبوه، بطلوا ضرب" قلت الحمد لله ضميره صحي،
فأكمل "عشان الكاميرات" و خدني و دخل بيا شارع جانبي و لقينا في سكتنا شاب
ملقي على الأرض و دماغه نازل منها كمية مرعبة من الدم، و قال باللفظ "أهه
واحد إبن….. مات أهه، و الله لموتك زيه يا إبن….." ثم دخل مدخل عمارة، و
دخل العساكر اللطاف معاه و قفل عليا باب العمارة و بلغة الحواري "قصني" و
جابني أرضا و بدأ بالضرب بشكل مبرح.
شلاليت في وشي، و في بطني، و العساكر بالعصيان، و واحد منهم كسر حاجة
خشب غريبة و جاب الخشبة و قعد يضربني بيها في كل حتة في جسمي، و كلام شبه
"يا ولاد ال…. يا ….. ده إحنا في الشارع من بليل يلعن د….“ و أنا بقوله
"ربنا يكون في عونكوا، إنت عارف بقى إنت واقف ليه و بتمنعنى ليه؟" فيستفز
فيضربني أكثر "عامل فيها مثقف يا إبن…..“ و أنا أرد عليه "مش مثقف و لا
نيله، أنا هنا عشانكوا، أنا مصري زيك" طبعا كلامي وسط الضرب كان أكيد مبهم،
و هو وسط شتايموا كلامي كان في أهمية برنامج "طبق اليوم" بالنسبة له.
وبعد ما زهق، قالهم "عايزكم تموتوه زي الواد الثاني يا إما هرجع
أموتكم إنتوا، و لو جاعنين كلوه" و مشي، و لمدة لا تقل عن عشر دقايق ضرب
مبرح بجد و أنا مستغرب هو أنا إزاي لسة ما متش، و أهه بعد ستة و ثلاثين
ساعة أقسم بالله حاسس بالوجع في كل سنتيميتر مكعب في جسمي.
الغريب إني وقتها و وسط الحدث وصلت لمرحلة إني فعلا مش حاسس تماما
بالضرب، و إستشهدت، و بدأت خيالات تراودني، عن أهلي بعدها هيحسوا بإيه و عن
فيلمي اللي ماكملتش مونتاجه، و عن الصفحة اللي هتتعملي على الفيس بوك، و يا
ترا هنبقى "كلنا عمرو سلامة"؟ و الأهم تصريح وزارة الداخلية اللي هيطلعوه
إني أكيد بلعت الآي فون بتاعي.
وقعدت ساعتها أصرخ للعساكر و أقول كلام أفلاطوني ثاني زي: "أنا هنا
عشانكم، إنتم عارفين إنتم بتضربوني ليه؟ أنا معايا موبايل، و معايا فلوس، و
معايا عربية، و مستريح، إحنا هنا عشانكوا، عشان إنتم تلاقوا تاكلوا و
تأكلوا عيالكم"
ولسبب إلهى سمعوا كلامي، و لقيت واحد فيهم إتأثر فعلا و بعدهم عني، و
جابلي كرسي، و قالي "أستاذ، هتعرف تمشي؟" بعد لحظة صمت قلتله "هحاول" قالي
"طب إجري بسرعة قبل ما الظابط يرجع، لو رجع هيموتك" فحاولت أهرب بسرعة و
لكن الظابط رجع، و إفتكرني بهرب طبعا، و هما عملوا كإنهم بيجيبوني، فخدت
علقة تجعل العلقة الأولى فيلم كارتون إنتاج والت ديزني في الأربعينات.
وبعدها ركز مع صيد تاني كان جايبه من الغابة شوية، فجه ظابط ثاني
سألني عن شغلي و إسمي و شاف بطاقتي و قالي "إجري بسرعة قبل ما يركز معاك
ثاني".
جريت، و بعد شوية بدأت الآلام تظهر، و بعدها آلام الرأس و الدوخة و
الزغللة، و بدأت عنيا تدمع بلا توقف، مش عياط، بس يمكن عشان أعصابي سابت
تماما و فقد السيطرة و صوتي كان بتطلع كإنه طالع من بير.
وصلت لواحد صاحبي في وسط البلد، إستضفني في مكان عمله، و قعدت و جابلي
حاجات أشربها.
وسابني شوية، و لقيت نفسي ببكي بحدة لم أبكيها منذ لا أتذكر متى.
لم أبكي من الألم، و لا حتى من الإهانة، و لا من الرعب، بس بكيت لسبب
واحد، لسبب إني لقيت نفسي بدأت أكره مصر، و حسيت إن ظباطها اللي حامينها
كرهوني فيها، و حكومتها اللي ظالمانا كرهتني فيها، و شعبها السلبي – كان
سلبي – ماكنش معانا و كرهني فيها، و الفساد و القمع و إلخ إلخ، و إزاي ممكن
أعمل في كائن بشري ثاني مقلب و أجيبه و أخلفه في البلد ديه، إزاي هقنعه
يحبها ويحاربلها و ينتميلها!؟
وقلت طب ليه ماسبهاش لو جالي الفرصة، مش يمكن كما قال صديق عزيز فعلا
"مستقبل مصر الوحيد في الهجرة لكندا"؟
بس بعد دقايق، رجع صوت العقل – هو مش أكيد صوت العقل بس هو صوت طول
عمره موديني في داهية – و فكرت نفسي بمعتقاداتي اللي بكتب المقال ده عشان
أشاركها معاكوا.
إفتكرت إن إنتمائى لمصر مش إجباري، ده إختيار مني، أنا إختارته لإن
إحساسي بالإنتماء مفيد ليا مش مفيد لمصر، مفيد ليا إني أعرف أنا منين و
فين، فين المكان اللي أنه منه، و هو بتاعي، اللي بيتي فيه، وسريري فيه،
اللي بحس فيه إني وصلت خلاص مش مستني إمتى هروّح.
إفتكرت إني لازم أبقى إيجابي تجاه أي مكان إخترت أنتميله، و أتفائل
مهما كان، إن المكان ده هيكون أحسن بسببي و بسبب اللي حوليا.
من غير إنتماء و أمل أنا فعلا أفضل إني أموت، و لو بقيت عايش بدون سبب
له معنى هتحول لحيوان عايز ياكل و ينام و يتمتع بمتع لحظية عمرها ما هتغذي
روحي، و ده إختيار نهائي مش محتاج أراجعه مع نفسي.
حتى لو شاف العالم إني رومانسي زيادة أو حالم أو رومانسي، في ستين ألف
داهية، أنا هبقى مبسوط بأختياري ده حتى لو حصلي اللي حصلي.
وإكتشفت إن أهم حاجة في الدنيا إني عارف الكلام ده، إني عارف أنا ليه
إتضربت، إني عارف أنا ليه نزلت، إني أبقى عارف إن بدون شعارات و مطالبات
سياسية معصلجة الفهم أنا نزلت و إتضربت عشان عايز مصر أحسن، عايز مصر
مافيهاش سلطة أبدية مطلقة لأي من حكامها، عايز مصر بفجوة إجتماعية أقل،
الفقير حتى لو فضل فقير يكون له الحد الأدنى من الكرامة و الإحتياجات
الإنسانية، عارف إن إبني لما أخلفه في يوم من الأيام يتعلم صح، يتعالج صح،
يبقى عنده أي أمل و طموح مهما كان، حتى لو عايز يبقى رئيس جمهورية، عايز
مصر الشرطة فيها بتحمي الشعب مش بتعمل فيه اللي إتعمل فيا و في غيري، في كل
قسم و شارع، مش زي اللي إتعمل فالشهداء، خالد سعيد و سيد بلال، لو حد حاول
ينهب حقه مايخفش يروح القسم و يبقى عارف إن حقه حيرجعله لإن الظابط عايز
يرجعله حقه، و هيلاقي الظابط ده موجود في القسم، مش واقف في تشريفة من
صباحية ربنا، و لا بيقمع معارضة و لا مهمته الوحيدة حماية نظام فشل يديه
حقوقه أصلا من مرتب محترم و عيشة كريمة، و مخليه واقف في وش المدفع يتكره
بداله.
عرفت لما إتضربت إني خايف أقل، إني عرفت أنا ليه هنزل ثاني و ثالث و
رابع، عرفت إني لو مت هبقى شهيد و أكيد هبقى في مكان أحسن.
وعرفت إن اللي بيضربني مش عارف هو بيضربني ليه، حاسس إن أسبابه مش
منطقية حتى لو سهر الليالي يمنطقها لنفسه، ده يمكن يكون متعاطف معايا، و
خايف أكثر مني، من جزا أو عقاب أو تكديره.
والأهم عرفت إن فيه أمل، أمل أشوف مصر مش زي تونس بس، أشوفها في يوم
مكان أجمل من تخيلي مكان أتمنى أخلف فيه عيال عشان ينعموا فيه بحياة كريمة
و يعمروه أكثر.
أنا لا أدعي بأي شكل البطولة، و شفت ناس إتضربوا أكثر مني بكثير، و
ناس أعتقلت، و في ناس ماتت أحتسبهم شهداء، بس الناس ديه كلها لو إتكلمت
معاهم، أغلبهم فخورين بنفسهم، خوفهم بقى أقل، تحديهم بقى أقوى، حاسين إنهم
على حق، الناس ديه معظمها طلعت من معتقالاتها أقوى، حاسين إن الفرج جاي
مهما إتأخر، و عارفين إنها مهما ضاقت و إستحكمت حلقاتها مسيرها تفرج.
أهم إكتشاف إني إكتشفت إن في أمثال مش مجرد أمثال و خلاص، و فعلا
معناها حقيقي، زي "الضربة اللي ماتومتنيش هتقويني".
الدستور المصرية في
10/01/2011
محمد خير يكتب شهادته عن ليلة 26 يناير:
الغاز في سيارة الترحيلات
محمد خير
في ظلام سيارة الترحيلات، كنت أطمأن نفسي بأنه مازال لديّ العين
اليسرى . اليمنى لم تكن ترى سوى بقعة سوداء دائرية، وكل الاحتمالات ممكنة،
من الكدمة البسيطة إلى انفصال الشبكية، لم يكن واردا البحث عن مساعدة،
فبجواري كان يرقد منهارا أربعينيّ مصاب بالسكري ، وثمة حالتين أو ثلاثة من
الإغماءات، العربة الحديدية الضيقة، شبه معدومة الشبابيك، كانت تضم أكثر من
ثلاثين محتجزا، لكن الرعب بدأ عند إطلاق قنابل الغاز على مجموعة محتجين
قريبة من ميدان التحرير، قنبلة الغاز تصيب بالغثيان وتلهب العين في
المساحات المفتوحة، لكنها قد تقتل في المساحات المغلقة، هذا ماكان بدأ يحدث
فعلا في العربة المزحمة التي تسلل الغاز إليها من المساحات الضيقة بين
القضبان الحديدية، ازدادت الإغماءات وبدأنا الطرق من الداخل على جدران
السيارة دون استجابة، خطر لي لحظتها عشرات الحوادث الشبيهة عن محتجزين
اختنقوا في سيرة الترحيلات حتى من دون قنابل غاز، ولم أعد أفكر في عينيّ !
كنا قد تحركنا بالمظاهرة من شارع شمبليون بوسط البلد، الشارع التجاري
العريق نال نصيبه من قنابل الغاز، وامتلأ بأسوأ اختراع في عهد مبارك :
البطلجية والمجرمون الذين يحضرونهم بالسيارات، في أيديهم الجنازير والسلاسل
الحديدية والأسلحة البيضاء، يندسون وسط المتظاهرين ويهتفون معهم، ثم يبدأون
الهجوم من قلب المظاهرة ذاتها، مواجهات شمبليون اشتعلت ثم تحركنا إلى شارع
رمسيس وازداد العدد، وازدادا مجددا عند حواف منطقة بولاق أبو العلا، وعندما
وصلنا ميدان عبد المنعم رياض بدت المظاهرة كبيرة مهيبة، و عند مقر الحزب
الوطني بدأ الهجوم الثاني.
تراصت تشكيلات قوات الأمن المركزي أمام بوابتي الحزب الذي تعرض للهجوم
في الليلة السابقة، المشهد المألوف لم يعد يثير الرعب، الخوذات والملابس
السوداء والعصي في صفوف منتظمة، اقتربت المدرعات وبدأت إطلاق قنابل الغاز ،
ومثل الليلة السابقة انطلق الرصاص الحي في الهواء من وراء أسوار الحزب،
وبينما يترقب المتظاهرون هجوم الجنود، انطلق الهجوم فجأة من أصحاب الزي
المدني. هؤلاء ليسوا من البلطجية بل من مباحث أمن الدولة المدربين على
الاعتقال، القواعد القديمة تقول للمتظاهر ألا يقاوم إذا لم يستطع الهرب
تجنبا للضرب المبرح، طاردني اثنان من المباحث وهربت منهما وانخلع المعطف في
يدهما، لكن ثالثا ظهر في مواجهتي مسددا لكمة مظلمة إلى عيني اليمني، انكسرت
النظارة في وجهي ووجدت نفسي على الأرض، تكوّمت متلقيا الركلات واللكمات،
الأدرينالين حجب شعور الألم، ووجدت نفسي محمولا يعبرون بي إلى الناحية
الأخرى من الطريق، الضرب مستمر إثناء سحلي إلى هناك والأسئلة لا تتوقف:
ماذا تعمل؟ أين تسكن؟ بين كل سؤال والأخر لكمة أو ركلة أو سبة.
بين سيارات البوليس المتراصة أجلسوا المحتجزين على الأرض منفردين،
انتزعوا المحفظة واستولوا على بطاقة الهوية والهاتف المحمول، جاءت سيارة
ميكروباص نقلوني إليها بصحبة شرطي جلس أمامي بينما تمددت منخفضا في آخر
العربة، تحركت السيارة مخترقة حواجز حديدة خلف سور المتحف المصري، نظر لي
الشرطي بالملابس المدنية وفاجئني : مالك؟ قلت له : عيني اليمنى . أزاح يدي
وتطلع في وجهي، ثم مارس فجأة دورالطبيب في السيارة الخالية إلا مني وهو
والسائق، وضع كفه على عيني اليمنى أولا وسألني عن الرؤية، ثم رفع يده
ووضعها على العين اليسرى وسألني إن كنت أراه، (نعم أراك) أجبت، رفع يده
وقال : مافيش حاجة !
نزلنا من الميكروباص إلى ميكروباص آخر، وجدت هناك من أعرفهم، الصحفية
لينا الورداني والسينمائيان هالة جلال وسامي حسام، جلست في المقعد الأخير،
انهمكت هالة ولينة في تأنيب الضابط ودحض الحجج التي رد بها حتى انفجر: أنا
مرتبي 700 جنيه وعندي 3 أطفال. أكد أنه ليس ضدنا لكنه يقوم بعمله.
تحرك الميكروباص مجددا بعد أن انضم إلينا شابان صغيرا السن والحجم،
ربما في الثامنة عشرة من العمر، كانا خائفين ويبدوا انهما اعتقلا عشوائيا،
حاولنا طمئنتهما حتى هدئا، وعاد خوفهما عندما توقفنا أمام سيارة الاحتجاز
الكبيرة وأمرونا بالصعود، بقيت لينا وهالة بالأسفل، بينما صعدت وسامي
والشابان إلى السيارة، لأول وهلة بدت في الظلام فارغة، لكن اتضح أنها عتمة
الأجساد المتلاصقة، لا مكان للجلوس، بالكاد استطعت الوقوف عند أحد الشبابيك
القليلة الصغيرة التي تشابكت قضبانها لتسمح أقل تنفس ممكن، عندما تسرب
الغاز إلينا بالداخل بدا أننا نموت، لم يكن معي منديل فأعطاني أحد
المحتجزين طرف شاله ووضع كل منا طرفا من الشال على أنفه، انتشرت تعليمات
التنفس: ليس من الأنف، لا تدعك عينيك . إلخ. بعد دقائق تحركت السيارة ودارت
دورة وعادت إلى طرف الميدان، هدأ الغاز، وبدأوا في انزالنا واحدا واحدا،
مررنا على ضابطين على التوالي كان منهم مدير أمن القاهرة بنفسه، سألونا
أسئلة قليلة، أعادوا إلينا الهويات والهواتف، تحركت في طرف الميدان من دون
أن أرى شيئا بدون النظارة، وجدت يدا تمسك ذراعي، كان أحد الشابين الصغيرين
الذين كانا معنا في الميكروباص، سألني: مش محتاج حاجة؟ أوصللك حتة؟ شكرته،
وإذا به يخرج ما في جيبه من جنيهات قليلة ويقول: احنا ممكن نقسمهم .
ابتسمت وعرفت أن قنابل الغاز ليست السبب الوحيد للدموع.
الدستور المصرية في
10/01/2011
الدرس انتهى لمو الكراريس!!
طارق الشناوي
قبل يومين فقط كنت أعرض فيلم "إضراب الشحاتين" في بيت العود التابع
لوزارة الثقافة.. الصدفة كانت وراء اختياري لهذا الفيلم عندما طلب مني
الموسيقار وعازف العود الشهير "نصير شمة" أن أختار قبل نحو شهرين فيلماً
يفتتح به قسم جديد في البيت تم إنشائه من أجل تنمية الثقافة المرئية لدى
تلاميذه من دارسي وعازفي العود فجأة قفز إلى ذهني هذا الفيلم الذي أخرجه
"حسن الإمام" قبل نحو 44 عاماً لتلعب فيه الموسيقى دور البطولة.. إنه
بالتأكيد فيلم نادر واستثنائي في تاريخنا السينمائي العربي.
ونسيت تماماً الفيلم والموعد حتى ذكرني به "نصير" واكتشفت أننا نعرض
فيلماً تحريضياً وذلك قبل ساعات قليلة من اندلاع المظاهرات في كل ربوع
مصر.. الفيلم تعود أحداثه إلى ثورة 19 ونقطة الانطلاق هي انتفاضة الشحاتين
من أجل المطالبة بالخبز والحرية.. اكتشف الشحاتون بعد أن كانت قضيتهم هي
رغيف العيش أن الحرية هي التي تضمن لهم رغيف العيش المغموس بالكرامة
الوطنية!!
الفيلم كان يعرض مساء الاثنين الماضي وبعد أقل من 20 ساعة كانت مصر
تطالب بالخبز والحرية.. في الصباح استيقظت مصر واعتقد البعض أنهم يقلدون
الانتفاضة التونسية تعاملوا مع الأمر مثلما تتعامل "رولا سعد" مع "هيفاء
وهبي" فهي من الممكن أن تأخذ منها أغنية أو تردد لحناً شبيهاً بما سبق وأن
قدمته "هيفاء".. الدولة لا تدرك حجم الغضب الكامن في الصدور اعتقدوا أن
الأمر لا يزيد عن مجرد تقليداً أعمى وأنه نوع من الغيرة على طريقة "مفيش
عنتر أحسن من عنتر" المقولة الخالدة لإسماعيل يسن في فيلمه الذي كانت
أحداثه تجري داخل مستشفى الأمراض العقلية!!
الدولة من خلال وزارة الداخلية وقائدها "حبيب العادلي" لم تدرك أن
هؤلاء المتظاهرون تجاوزوا مرحلة الخوف وأن الاستكانة التي قالوا عنها أنها
من علامات الرضا الذي يصل إلى مشارف الخضوع هذه الاستكانة والرضا بالمقسوم
لم يعد يتقبلها الناس.. هناك بالفعل إرادة يعلو نبضها تطالب بالتغيير..
أغلبنا شارك فى الماضى ولو بالصمت في تلك الحالة التي يرى البعض من قصيري
النظر صورة الإنسان المصري الذي لا يثور مهما تجمعت إليه من دوافع الثورة..
البعض عاش وهو يعلم أن أقصى طموحه للحيلولة دون الانصياع لسيناريو التوريث
هو أن يدعو بطول العمر وطول البقاء على الكرسي للرئيس "مبارك" لكي يحول هو
وليس أي إنسان آخر دون وصول ابنه لسدة الحكم في البلاد.. هكذا صغرت
الطموحات ومع الأسف لعب القسط الوافر من الفنانين والمثقفين أسوأ الأدوار
وهو التمهيد للتوريث بتلك المقولة التي صارت شعار المرحلة وهى لا للتوريث
نعم لجمال.. كيف يستقيم الأمر؟ بسيطة من حقه كمواطن مصري له كل الحقوق
وعليه كل الواجبات أن يرشح نفسه في الانتخابات ومن حق المواطن على الجانب
الآخر بكامل إرادته أن ينتخبه أو لا ينتخبه.. تقول كيف سيحدث ذلك ووالده في
الحكم في ظل سيطرة الدولة على كل المنافذ والمعابر هل تسمح الأجهزة بسقوط
ابن الرئيس في الانتخابات ووالده ممسكاً بالسلطة قبل أن يمنحها له.. الكل
يعلم أن هذا هو المستحيل بعينه وأن كل ما نراه يتم إعداده لصالح الدائرة
الصغيرة من رجال الأعمال الذين ارتبطوا بالسلطة وصارت كل مصالحهم لديها..
هذا الحبل السري الذي لا ينفصم مع الدولة هم لا يدافعون عن شرعية "جمال
مبارك" ولكنهم لا يعنيهم سوى مكاسبهم وتلك المكاسب لن تتحقق لو غاب الرئيس
ولم يعتل "جمال" الكرسي.. من حقهم بالطبع الترويج لهذا السيناريو ولكن ما
هي مصلحة المثقف المصري في هذا العبث.. تكتشف أن تلك هي اللعبة وأن سيطرة
الدولة تجعل الجميع يعلمون أن هذا هو المطلوب منهم وعليهم الترويج لهذا
السيناريو الخائب وأن الرهان على أي حل آخر بعيدا عن الرئيس أو ابن الرئيس
ليس مطروحاً بل وغير مسموح به وأن هذا المثقف تم تدجينه داخل الحظيرة!!
نعم سمحت الدولة في البداية بالتظاهر يوم الثلاثاء إلا أنها أحاطته
بكردون أمنى.. لم تكن تدرك أن الغضب أكبر مما تصورت الأجهزة ولهذا فتحت
النيران على مصراعيها بعد أن أيقنت أن دائرة الغضب وصلت إلى الرئيس تطالب
بتغيير جذري.. لم يعد الأمر كما تروج القنوات التليفزيونية يتعلق بتغيير
وزير الداخلية أو رئيس الوزراء ولكن تغيير النظام.. من يريدون بقاء الحال
على ما هو عليه يؤكدون أن تغيير النظام من داخل النظام هو الحل ولكنهم
يغضون الطرف عامدين متعمدين على أن الخطأ بل الخطيئة هو في بقاء النظام وان
التضحية بأحمد نظيف ليست هي الحل بل هي الورقة التي تحتفظ بها الدولة في
اللحظات الأخيرة لإفراغ شحنة الغضب بعيداً عنها.. "شيل ألدو وحط شاهين"
الناس حقيقة لا تريد لا "ألدو" ولا "شاهين"!!
مصر استيقظت.. هذه هي الحقيقة لكن النظام لم يستيقظ بعد لا يزال
نائماً في العسل.. ربما يعتقد أننا في فيلم على طريقة "حسن الإمام" في
رائعته "إضراب الشحاتين".. قد يعتقدوا أن ما يجري في مصر ينتظر نهاية
سينمائية وبعدها يعرض فيلماً آخر.. ولم يدركوا أن الدرس انتهى لمو
الكراريس!!
الدستور المصرية في
10/01/2011
أشرف زكي يرفض دعوة خالد الصاوي للفنانين
بالتجمع في نادي النقابة اليوم
عبير عبد الوهاب
أعلن الدكتور أشرف زكي نقيب الممثلين غضبه من الدعوى التي وجهها خالد
الصاوي لزملائه الفنانين في نادي نقابة المهن التمثيلية بشارع البحر الأعظم
اليوم ـ الخميس ـ لإعلان تضامنهم مع المطالب العادلة للشعب، من جهته أكد
أشرف زكي أن خوفه ليس من الفنانين ولكن من الدخلاء على المكان وإستغلال
التجمع في الإساءه للفنانين. وأضاف زكي لكني في كل الأحوال لن أستطيع ان
أمنع التواجد لأن الصاوي أرسل الرسائل لعدد كبير من الناس لكني كنت أتمنى
ان تقوم النقابة بالإشراف على الأمر.
خالد الصاوي كان قد أرسل عشرات الرسائل القصيرة عبر الموبايل لعدد
كبير من الفنانين مفادها: "زملائي وأصدقائي وأساتذتي الأعزاء فناني مصر من
جميع المهن.. أدعوكم للتجمع غدا ـ الخميس ـ27 يناير في نادي نقابة المهن
التمثيلية بداية من الثامنة مساء لإعلان إنتمائنا للناس وتضامنا مع مطالبها
العادلة في الخبز والحرية والكرامة وإدانة التعامل الوحشي معها والإلحاح في
طلب الإفراج عمن اعتقلوا.. لقد رأتنا الناس في مواقف وطنية من قبل، لو لم
نقل كلمتنا فورا فقد نخسر حبها واحترامها إلي الأبد.."
وعلى الجانب الآخر أكد خالد الصاوي في تصريح خاص للدستور الأصلي أن
أسرة فيلم "الفاجومي" الذي يشارك في بطولته استجابت لدعوة الإضراب عن العمل
اليوم وأمس، وبالفعل توقفنا عن التصوير وهذا لا يعني أننا وصلنا للسقف
بتاعنا ـ بحسب تعبير الصاوي ـ الذي يكمل قائلا أن: "التعامل الغبي من قبل
رجال الأمن مع المتظاهرين هو الذي رفع سقف مطالبنا العادلة، وهو الذي سيدفع
الفنانين للنزول للشوارع لأن إحنا من الشعب مش من النظام، وأضاف الصاوي أن
حجب مواقع التواصل الإجتماعي وإعتقال الناشطين وتكميم الأفواه يؤكد أننا لم
يعد لدينا خيار آخر سوى النزول للشارع.
الدستور المصرية في
10/01/2011 |
