|
دعت سيدة الشاشة العربية فاتن حمامة شباب مصر إلي الاستمرار في ثورتهم
بالتعليم والعمل وألا يسمحوا لشيء يحبط عزيمتهم القوية, ووصفت فاتن حمامة
ثورة25 يناير بأنها ثورة نظيفة لا مثيل لها,
وبداية قوية وحلوة في نفس الوقت, جاء ذلك عندما توجهت
الأهرام بالتهنئة لفاتن حمامة, حيث تضيء غدا شمعة ميلادها الثمانين, وأكدت
أنها مشغولة بمصر أكثر من انشغالها بنفسها وقالت: إن مصر محفوظة في القرآن
وشاهدة علي تاريخ الإنسانية وعلينا نحن المصريون أن نحافظ علي البلد الذي
منحه الله موقعا فريدا, منحه الله نهر النيل, وإطلالة علي البحرين الأبيض
والأحمر, والأهم من ذلك الشمس التي لا تغيب عنا أبدا, واختتمت فاتن كلامها
بقولها: نحن جيل يذهب وأنتم المستقبل الذي نريد أن نطمئن عليه.
فاتن حمامة: قال عنها أديب نوبل نجيب محفوظ' تستحق بجدارة لقب سيدة الشاشة
العربية وهذا ليس من فراغ'.. فاتن ترنيمة صدق, عيناها كما وصفت, تجد فيهما
بنك مصر وستوديو مصر ودار الأوبرا وتمثال إبراهيم باشا وتمثال نهضة مصر وأم
المصريين صفية زغلول وأم السعد بائعة الجبن القريش, والبنت الخادمة
المهزومة علي أمرها في' دعاء الكروان' والحائرة التي تريد حلا, والفلاحة
المطحونة في' الحرام', هي عصر من الفن الراقي, فاتن حمامة.. كل سنة وأنت
بخير.
الأهرام اليومي في
26/05/2012
نور الشريف:
على الرئيس القادم أن يدرك قوة الفن حتى لو كان
إخوانيًّا فالسينما والمسرح يشكلان وجدان الشعب
أحمد الريدى
عقب إعلانه عن تصويته للمرشح حمدين صباحى فى الانتخابات الرئاسية التى جرت
على مدار اليومين الماضيين، تحدث نور الشريف لـ«التحرير» مؤكدا أن اختياره
حمدين صباحى جاء بعد أن وجد فيه مرشحه الذى يتوافق معه فكريا، وأنه الأصلح
لقيادة البلاد فى الفترة المقبلة، وبعيدا عن اختياره حمدين صباحى وكون
العملية الانتخابية ستصب فى مصلحته أم لا، قال نور الشريف كان قد أعلن فى
بداية السباق الرئاسى تأييده ودعمه منصور حسن قبل أن يتراجع الأخير عن فكرة
الترشح لمنصب رئيس الجمهورية) إنه على الرئيس المقبل أن يعى قوة الفن
المصرى ومدى تأثيره فى الوجدان العربى بأكمله، مضيفا «الفن المصرى له قوة
كبيرة ويستطيع التأثير فى كل من يتابعه».
واعتبر الشريف أن هذه مهمة من مهام الرئيس المقبل، وعليه أن يعى أبعادها،
حتى ولو كان تابعا للإخوان المسلمين، حسب تعبير الشريف، كما أكد الشريف
(سيعرض له فى رمضان المقبل مسلسل «عرفة البحر» من تأليف محمد الصفتى،
وإخراج أحمد مدحت، ويشاركه بطولته أحمد بدير، وهالة صدقى، ودلال عبد
العزيز) أن مصر بها متسع كبير من المواهب، وأن السينما والمسرح يشكلان
وجدان الشعب، لذلك فالاهتمام بهما من جانب السلطة كان مهملا فى الفترة
الماضية، وبالتالى يجب أن يعاد إليهما الاهتمام، وعلى الرئيس أن يجلس مع
المهتمين من أهل الفن كى يعرف خطة المرحلة المقبلة، وما الخطوات التى
تتطلبها.
جدير بالذكر أن آخر أعمال نور الشريف كان الجزء الثالث من مسلسل «الدالى»
وتم عرضه فى شهر رمضان الماضى، شاركه بطولته سوسن بدر، ومى نور الشريف،
وحسن الرداد
فنانون امتنعوا عن التصويت لظروف التصوير.. وهؤلاء عطَّلوا تصوير
أعمالهم وأصرُّوا على المشاركة
رضوى الشاذلى - أحمد الريدى
تلك اللحظة التاريخية التى يسجل فيها الجميع وجودهم، ومشاركتهم فى أول
انتخابات رئاسية حقيقية لمصر كما وصفها الكثير من المتابعين، كما أنها تأتى
فى أعقاب ثورة الخامس والعشرين من يناير، رغم ذلك فإن البعض لم يتمكن من
المشاركة فيها، وحُرم من التصويت لظروف أعمالهم، حيث تسبب سفر أحمد رزق إلى
الصين من أجل تصوير بعض مشاهده الخارجية فى مسلسله «الإخوة الأعداء» فى
حرمانه من التصويت فى الانتخابات الرئاسية، واستلزم التصوير سفره فى اليوم
المحدد للانتخابات. كذلك كانت عبير صبرى على موعد مع تصوير مسلسل «مع سبق
الإصرار»، وهو ما منعها من الإدلاء بصوتها الذى كان مقررا أن تعطيه للفريق
أحمد شفيق، وقد استمرت عبير فى التصوير حتى ساعات متأخرة من يومَى الانتخاب.
من جهة أخرى حرم مهرجان «كان» أبطال فيلم «بعد الموقعة»: منة شلبى، وباسم
سمرة، وكذلك ناهد السباعى، إضافة إلى المخرج يسرى نصر الله من المشاركة فى
الانتخابات، حيث تستمر فاعليات المهرجان حتى غد (الأحد) ثم يعودون إلى
القاهرة عقب ذلك، وهو ما سيمنحهم فرصة المشاركة فى جولة الإعادة، إن كانت
هناك إعادة بين المرشحين. نفس الشىء بالنسبة إلى كل من محمد حماقى وهانى
شاكر وأنغام، حيث تزامن موعد التصويت مع موعد حفليهما فى مهرجان «موازين»
بالمغرب
وهؤلاء عطَّلوا تصوير أعمالهم وأصرُّوا على المشاركة
الأعمال يمكننا أن نعود إليها لكن أول انتخابات بعد الثورة لن تعود»، كان
هذا هو الشعار الذى رفعه البعض فى أثناء الانتخابات الرئاسية التى جرت
موخرا، حيث فضلوا المشاركة فى التصويت لاختيار رئيس جديد على أن يواصلوا
أعمالهم الفنية بعدها مباشرة، والبداية كانت مع علِى الحجار الذى اعتاد
الالتقاء بجمهوره أسبوعيا فى أكثر من مكتبة، أحيانا «أَلِف» وأحيانا
«ديوان»، حيث قرر الحجار إلغاء لقائه الأسبوعى من أجل المشاركة فى انتخابات
الرئاسة التى جرت على مدار اليومين الماضيين. وشارك الحجار فى الانتخابات
بالمقطم حيث دائرته الانتخابية وانتخب حمدين صباحى، وفى نفس الاتجاه قرر
خالد الصاوى وفريق عمل مسلسل «على كف عفريت» تأجيل التصوير لمدة يومين
نزولا على رغبة العاملين فى المسلسل فى المشاركة فى الانتخابات الرئاسية
التى عُقدت. وكان الصاوى قد أعلن مسبقا عن انتخابه حمدين صباحى، كما قام
بعمل دعاية لحمدين، شارحا لمحبيه مزاياه، وداعيا إياهم إلى التصويت لصالحه،
وعاد أمس (الجمعة) فريق العمل إلى تصوير باقى مشاهد المسلسل.
من جهة أخرى توقفت بروفات مدحت صالح بالأوبرا لمدة يوم وهو الأربعاء الماضى
للمشاركة فى الانتخابات الرئاسية، ولم يعلن صالح عن مرشحه للرئاسة من بين
الثلاثة عشر مرشحا الذين ضمتهم القائمة النهائية، كما استأنف بروفات الحفل
بعدها
التحرير المصرية في
26/05/2012
الفضائيات تحولت إلى غرف عمليات لرصد الانتخابات
إيهاب التركى
منذ الصباح الباكر لأول من أمس (الأربعاء)، أول أيام الانتخابات الرئاسية،
تحولت شاشات الفضائيات إلى متابعة تصويت المصريين فى جميع محافظات مصر.
توقفت جميع البرامج الصباحية والمسائية التقليدية للتفرغ لمتابعة تقارير
المراسلين والمصورين لذهاب المواطنين المصريين إلى المقار الانتخابية
للتصويت لاختيار أول رئيس مصرى بعد ثورة يناير من بين 13 مرشحا، بدت الصورة
محيرة فى الساعات الأولى، حيث ظهر الإقبال ضعيفًا فى الساعات الأولى، ثم
زاد بمرور الوقت. استعدت القنوات لتقديم خدمة متابعة وقائع الانتخابات
للمشاهد، وجاءت أغلب التغطيات متشابهة إلى حد يقترب من التطابق مع تغطية
الانتخابات البرلمانية. الشاشات مقسمة إلى مربعات صغيرة عديدة تنقل مباشرة
ما يحدث فى اللجان الانتخابية فى محافظات مختلفة. تحولت الاستوديوهات إلى
ما يشبه غرف عمليات انتخابية غير رسمية. حاولت بعض القنوات جذب المشاهد
لمشاهدتها حتى ولو بطرق غريبة، فقامت قناة «الحياة»، على سبيل المثال،
باستخدام تقنية التجسيد الرباعى الأبعاد (الهولوجرام) لمراسليها الذين
كانوا موجودين فى الاستوديو فى القاهرة بصورة ضوئية مجسمة، رغم وجودهم فى
محافظات أخرى، وبعيدا عن الشكل أو الهدف المستفاد من هذا التجسيم الرباعى،
فقد حرصت باقى القنوات على تجسيد ما يتم على الأرض من استعدادات للجيش
والقضاة واللجنة الانتخابية للعملية الانتخابية، وإلى رصد مخالفات أنصار
المرشحين التى تركز أغلبها حول الدعاية أمام اللجان أو ضبط بعض البطاقات
المسوَدة، ورغم أن تفاصيل طبيعة هذه المخالفات بدت غامضة فإن الاهتمام بها
بدا كبيرا، ولم تتمكن الفضائيات من الالتزام بالصمت الانتخابى طوال الوقت،
وعندما أتى المساء وبدأ عمل برامج التوك شو الشهيرة بدت التحليلات السياسية
صعبة، دون ذكر أسماء، ولم يعد هناك أمام الضيوف سوى الانتقال من الإشارة
للمرشحين إلى التصريح بأسمائهم. وكان نجم لقاءات المراسلين طوال اليوم هم
المواطنون أنفسهم الذين تباينت انطباعاتهم عن الانتخابات، وقامت استوديوهات
التحليل بمحاولة صعبة إن لم تكن مستحيلة، لقراءة مؤشرات نسب المرشحين بعد
مرور ساعات من بدء التصويت، وظهرت حساسية المرشحين كبيرة من بعض التحليلات
التى تقيم اليوم الانتخابى الأول، وبعضها قدم إحصاءات مجهولة المصدر عن
تفوق بعض المرشحين على حساب آخرين، ومن التحليلات التى تسببت فى مناقشات
حادة كان تحليل النائب البرلمانى عصام سلطان على قناة «النهار» الذى قال
إنه كان يتمنى أن يتنازل صباحى لصالح أبو الفتوح حتى لا يفوز مرشح فلول فى
ضوء ما يراه من ضعف فرص صباحى، وهو الأمر الذى دفع المتحدث باسم حملة صباحى
إلى الاتصال بالبرنامج وعتاب سلطان وخالد صلاح مقدم البرنامج. وتبعه خالد
يوسف ومحمد العدل اللذان اتهما سلطان بالتحيز وتعمد التأثير على المشاهدين،
وحاول الإعلامى يسرى فودة تنبيه المتحدثين باسم المرشحين إلى عدم الهجوم
على مرشحين آخرين فى مداخلاتهم التليفونية، واحتدت الإعلامية هالة سرحان
على ضيوفها أكثر من مرة حتى لا يتم ذكر أسماء مرشحين بعينهم، ضمن
تحليلاتهم، احتراما للصمت الانتخابى. القنوات الأجنبية الناطقة بالعربية
مثل «سكاى نيوز» العربية و«بى بى سى» و«الفرنسية» و«روسيا اليوم» اهتمت
بتغطية الانتخابات لحظة بلحظة، قناة «CNN»
خصصت ساعة لمتابعة أحداث الانتخابات المصرية.
التحرير المصرية في
25/05/2012
كواليس «الرئيس القادم» موسى طلب حذف كلامه عن مبارك.. وصباحى ذهب
بسيارة العدل
أحمد الريدي
يستكمل المصريون اليوم (الخميس)، عملية التصويت فى الانتخابات الرئاسية
الأولى بعد الثورة، ورغم ذلك فبعضهم لا يعرف كثيرا عن مرشحه الذى أعطى له
صوته، ولذلك قامت إيناس الشواف، رئيس تحرير شبكة «راديو النيل» بالكشف عن
كواليس المرشحين لرئاسة الجمهورية فى برنامج «الرئيس القادم»، الذى أذيع
على شبكة «راديو هيتس» فى الفترة الماضية. وكانت أهم النقاط هى عدم اهتمام
القائمين على الحملة الانتخابية لعمرو موسى بتحديد الموعد مع الإذاعة ولم
يتم اللقاء إلا بعد تدخل المذيعة ناردين، مقدمة البرنامج، لارتباطها بصداقة
مع هانيا موسى نجلة المرشح الرئاسى، ويوم المقابلة حدد موسى الأسئلة التى
سيتم سؤاله عنها وكذلك المحاور التى اشترط أن لا يتم التحدث عنها -وبحسب
مصادر من الإذاعة أيضا- فإن موسى عقب انتهاء التسجيل طلب حذف كلامه عن
ترشيحه لمبارك فى السابق، كما طلب أن يكون الحديث عن برنامجه أكثر من الرد
على الأسئلة، أما المرشح الرئاسى أحمد شفيق فالترتيب لمقابلته استغرق وقتا
طويلا، نظرا لعدم معرفة من هو المسؤول عن ترتيب مواعيده، فكان الموعد كل
مرة يتبدل وكان أحمد شفيق لا يدرى ما يحدث حوله، وهو ما جعل طاقم البرنامج
يعتبر مقولة «مشكلته فى اللى حواليه» تنطبق عليه ويرددونها فى كواليس
البرنامج.
أما حمدين صباحى فكانت أهم الملاحظات التى تم التقاطها بشأنه هى كون من
حوله عاشقين له فذهب إلى الحلقة بسيارة الدكتور محمد العدل الذى كان يتولى
القيادة، وحرص على التصوير مع كل طاقم البرنامج، وأكمل الحلقة رغم تلقيه
مكالمة أغضبته فى أحد الفواصل، أما أبو الفتوح فطلب معرفة المحاور التى
سيتم سؤاله عنها لتحديد أولوياته وذهب بصحبة متطوعين، أما محمد مرسى فلم
يكن مهتما بالتسجيل فى البرنامج وكان يفضل حضور المؤتمرات الانتخابية، وكان
الحل هو التسجيل معه عقب أحد المؤتمرات الانتخابية الخاصة به.
وفيما يلي نص شهادة الإعلامية ايناس الشواف حول كواليس البرنامج:
عندى يقين كامل
ان كواليس اى عمل بتكون اصدق حاجه فيه .. وعلشان كده حبيت من باب الامانه
الاعلاميه انقل كواليس اعداد برنامج الرئيس القادم اللى نزل فالاذاعه عندنا
يمكن تفرق مع حد ف قراره.. يعنى يبقى سمع برنامج مرشحه وعرف المرشح ده
حملته كانت عامله ازاى واتفاقهم كان ازاى .. ما اللى يضبط حملة اعلاميه
اعتقد ده مؤشر لقدرته على اختيار بطانه حواليه .. حبدأ بالحلقات (بترتيب
المجىء) فالاذاعه .. بديت اكلم حملة كل مرشح الخميس 26 ابريل .. وكان رد كل
حمله الاتى ابوالفتوح : كانوا قايلين لى كلمينا السبت .. مردوش بعتلهم
رساله واليوم اللى بعده كلمتهم ردوا واعتذروا انهم مردوش امبارح حسب
الاتفاق وقالولى ادينا يومين ونبلغك المعاد لان احنا بنصفى ننزل ف ايه ..
التلات (بعديومين بالضبط) كلمونى وقالولى حنبقى هوا اول ظهور اذاعى للدكتور
وحنبقى الاتنين 7 مايو ..
توقعت يسألوا عن الاسئله او يحطولى خطوط حمرا محصلش ..قلت يبقى ليلة الهوا
حيطلبوا ده مرشح رئاسه .. وفعلا الاحد لقيت واحد من الماسكين حملته بيقولى
انتم محددين محاور معينه للحوار ف قلتله عايز الاسئله قالى لايافندم انا
بعرف علشان نلحق نضبط اولويات المحاور لكن اسألوا فاللى عيزينه !! كل اللى
طلبه منى مسؤل الحمله انى منزلش اغانى لايت متكنش مناسبه للحوار وقالى
نختار اغانى هادفه ولو ممكن ننزل اغنية ابوالفتوح الدعايه .. ده كان طلب مش
شرط .. يوم الاتنين الساعه 4 وعشرة كان الدكتور فالاستوديو معاه كذا حد من
متطوعين حملته .. اللى معاه اهتمامهم به ونظرات عنيهم له كان مش اهتمام
متطوع بمرشح قد ما هو اهتمام ولاد ب باباهم .. والاغرب ان هو بيسمع لهم ب
اهتمام اكتر وبيوافقهم ف نقط كتير بدون اى جدال لدرجه تنسيك ان ده ممكن
يبقى ريس .. المهم دخل سلم عالكل وكان فى ناس من مؤيدينه لهم اقتراحات
سمعها وناقشهم فالفواصل ولما خلص اتصور معانا ومشى عمروموسى : كلمت اللى
ماسكه له الحمله بس مردتش لا عالتليفون ولا لما بعت لها رساله .. بس لان
مذيعتنا ناردين انتيمة هانياموسى قدرنا نضبط المعاد .. معاد موسى اتحدد من
اول مرة .. الراجل منظم ايامه بشكل متخيلتوش .. كنا كل يومين نقول لبعض
خلوا بالكم ليأجل ولاحاجه ده ادانا المعاد من زمان والخوف تجد مواعيد تبوز
الخطه بس ابدا الخميس 10 مايو الساعه 11 الصبح تسجيل ونتواجد ف مقر حملته
10 الصبح متغيرش ابدا .. حملته خلية نحل محدش قاعد ورغم اننا وصلنا بدرى
لقينا انه كان عنده صحافه قبلنا يعنى بادىء يومه من 9 تقريبا رغم ان ده كان
يوم المناظرة الشهيرة .. قبل دخولنا للتسجيل كان طلب الاسئله وحدد يتسأل فى
ايه ونبعد عن ايه .. مقابلته ودوده جدا وطبعا حضوره طاغى وكل شويه يطلب لنا
حاجه نشربها ويبتسم لنا .. موسى كان مركز ان يتكلم عن برنامجه اكتر من
اسئلة الرد على تصريحاته .. وبعدالحلقه اتطلب مننا حذف كلمتين بالضبط .. ده
كان بيحصل زمان عادى ايام مبارك .. ملحوظه : موسي كان طالب يكون اول حلقه
للبرنامج فقلنا له ادينا معاد قبل 10 مايو طيب علشان نلحق حاول ومعرفش ف
بقى تانى حلقه لان ابوالفتوح كان مينفعش يتأجل عن 7 مايو لارتباطاته
بسطويسى : كان فى اتنين معايا رقمهم مسئولين عن حملته .. كلمت الاول قالى
كلمينى بعد شويه .. وقعدت يومين بتصل وابعت رسايل وبعدين رد كلمنى بشكل
سخيف ونهى المكالمه ب جملة مش عيزين وقفل !! كلمت التانى اللى معايا رقمه
قالى انامشيت مالحمله لكن ح اساعدك لان المستشار راجل محترم ومحبش ده يحصل
ف حملته ولما تكلميه ح يهتم .. وادانى كمان رقم ابن بسطويسى .. كلمت
المستشار كان موبايله قافل كلمت ابنه رد حكيتله الموقف اعتذر لى وبعدها ب
نص ساعة لقيت المستشار بيكلمنى بيعتذر لى وقالى حكلمك بكرة مالمكتب تكون
المواعيد قدامى وفعلا كلمنى الاتنين قالى نتقابل الخميس المغرب نسجل ف بيته
.. والاربع بليل كلمنى سكرتيره يأكد عليا ويطلب ان نروح العصر بدل المغرب
.. وفعلا سجلنا ونزلنا بالحلقه .. برضه مسالنيش حنسال ف ايه ولا طلب حذف
حاجه ولا كان له اى طلب وكان انسان لطيف جدا خالدعلى : كلمتهم الخميس
قالولى كلمينا السبت .. دول مش متطوعين زى ابوالفتوح ولاموظفين زى موسي
اللى لفت نظرى انهم اصحابه وهما نشطاء عالتويتر معروفين .. ردوا عليا
فمعادهم وقالولى بكرة نبلغك امتى .. تانى يوم اتصلت مردوش بعدها ب اقل من
ساعه اتصلوا قالولى الاحد 13 مايو هوا اول ظهور اذاعى .. برضه ولاطلبوا
يشوفوا اسئله ولا نمتنع عن اى حاجه .. بين فترة والتانيه كنت بأكد المعاد
.. وف يوم الحلقه كان مفروض خالد يوصل لنا قبل الهوا ب ربع ساعه بس كان من
الظهر موبايله قافل وصحبه اللى بتابع معاه مخضوض عليه انه اتأخر .. الساعه
4 الا 5 رد خالد كنت بتصل به على موبايله وقالى اتزنقت ف اجتماع مع كذا كذا
وكانت فعلا حاجه مهمه اوى .. بس طبعا صوتى كان متوتر ومنهار علشان الحلقه
اللى بازت فقلتله طب ناخدك تليفون تقول انك جاى قالى مش بس ح اقول انى جاى
انا حبدأ ارد عالاسئله من دلوقت علشان مضيعش الحلقه .. اول ماكلموه هوا اول
حاجه عملها انه اعتذر ودى فرقت معايا اوى بعدها لقيته بيقول الاعداد عندكم
اكد عليا المعاد بس الغلطه منى .. لما جه قالى انا قلت كده خفت حد يضايقك
ويفتكرك مقصرة .. ولما خلصت الحلقه سلم عالكل ولاننا كنا فالحلقه بنتكلم عن
خوف الاقباط ف بعد ماخلصنا سلم على مذيع مسيحي صاحبنا قام طبطب عليه وقاله
يا حنعيش ف مصر سوا يا نموت سوا محدش حيطلع منها ولا حنفترق .. صحيح خالد
كان جاى بعربية واحد صحبه الحريرى : كلمتهم الخميس قالوا لى الاحد .. الاحد
كان معادى اتحدد ان الحلقه هوا السبت 12 مايو .. ولا اتطلب منى يعرفوا
اسئله ولامحاور .. المعاد بتاع الهوا وصل فيه بالضبط .. رده كان صريح بشكل
مبهر .. حلقة كانت من اسهل وابسط حلقات حياتى صباحى : كلمت سلمى بنته
وصلتنى بالمسؤله عن تنسيق المواعيد ف حملته (….) كلمتها قالتلى كلمينى بعد
يومين .. اتكلمت بعد يومين مردتش لاعلى مكالمات ولا تليفونات .. استنيت
يومين وكلمت سلمى بلغتها اعتذرت لى ان مش ب ايدها حاجه لان المواعيد بس مع
(…) فقلتلها بلغيها ان كده مش صح .. شويه وكلمتنى المسؤله عن المواعيد
تعتذر لى ان مقدرتش تضبط معاد ف احرجت ترد .. حجه معجبتنيش بس اللى لحق
الموقف ان حمدين حواليه اصحاب عاشقين له بشكل غريب وده اللى خلى
د/محمدالعدل يضبطلى جدول حمدين ويساعده خالديوسف .. متابعتهم واهتمامهم
نسانى انهم كانوا متعبين جدا ف تضبيط مواعيدهم هما لما كنت بطلبهم ف لقاء
لهم .. المهم المعاد ضبط وكان الخميس 17 مايو هوا .. والساعه 4 وتلت وصل
حمدين بعربية د/محمدالعدل اللى كان سايق له (: وكان كتير من زمايلنا
فالاذاعه مستنينه .. وبعد الهوا اتصور مع الكل وحاول يعمل كده بسرعه لانه
كان وراه معادين بعدنا وكان جت له مكالمه ضايقته شويه وسط الحلقه بس قد كده
برضه مرضاش يسيب الناس شفيق : كلمت بركة اللى ماسك له حملته مردش يومين ..
وصلت للى ماسكه المواعيد ردت وقالتلى جدوله مليان بس حنتابع كل يومين ..
كنت بتابع بس علطول حاسه ان الدنيا مقفله لغاية ما رد عليا بركة وقالى ح
اضبط انه يجي لك واللى ماسكه مواعيده كلميها دلوقت تضبط لك .. كلمتها
قالتلى والله لسه ماعارفه الاقى وقالتلى ح اديك رقم دكتور كذا ده اقرب له
تابعى معاه .. كلمت دكتور كذا برضه قالى تابعيينى كل يوم .. وخلانى اكلم
الوزير فلان لانه من المنسقين للحمله .. بقيت اتابع مع المدام ومع بركه ومع
الدكتور ومع الوزير .. حسيت انى ففيلم الارهاب والكباب لما كان عادل امام
مش عارف مين الموظف المسؤل عن طلبه .. فالاخر بدأ الموضوع يضبط ويبان لنا
معاد ولقيت الدكتور بيقولى النهارده بليل ممكن يجى يسجل لك قبل مايطلع على
برنامج ف مدينة الانتاج جنبكم .. كلمت المدام اللى بتضبط المواعيد قالتلى
استحاله ازاى يقولك كده سبينى اضبط معاد تانى .. بعدها بيومين ادتنى معاد
وكان حيبقى الاحد 20 مايو بس الصبح لغوا كل مواعيد الهوا لنا ولغيرنا ..
الغريبه ان شفيق اكتر واحد حواليه ناس اسمها كبير بجد بس اللى حصل انهم
كانوا مش مع بعض وبدل ما تكلم واحد بس وتلاقى الباقيين محترمين للمعاد اللى
اتفق معاك عليه تلاقى ان بالعكس .. كلمة حق شفيق ولا حاسس باللى كان بيحصل
منهم وشكله لما شفته غلبان عكس غروره عالشاشه .. الدكتور اللى ماسك له شغله
اللى كنت بتابع معاه قالى والله هو طيب ادخلى عليه كلميه مش حيكسفك حتى لو
تعبان بدل ما اللى ماسكة له مواعيده غلبتك .. سكت وكل اللى فكرت فيه الكلمه
اللى كنت بسمعها عن مبارك مشكلته فاللى حواليه .. قلت ياربى مبارك تااانى
مرسى : الحملة المسؤله عن ظهوره الاعلامى معمول لها 3 ارقام .. اول
ماكلمتهم اخدوا المييل بتاعى قالولى افتحيه حتلاقى ابليكيشن امليها
وابعتيهالنا و ح نرد بعد يومين .. بعتها واستنيت اليومين مردوش ف كلمت
زميلى فالدفعه اللى مع الجماعه وهو مسؤل ف جريدنهم حكيتله ف خلانى اتابع
مع احد سكرتارية د/مرسي قالى هو مشكلته ان علطول فالمحافظات بس خلينا نتابع
سوا .. المتابعه كانت من تليفونات الحمله والملفت النظام الرهييييب اللى
هما فيه .. يعنى كل مرة يرد عليا حد ف تلقائيا ابدأ اقوله انا فلانه وعيزة
كذا الاقيه بيكمل لى كلامى ومسجل كلمتهم امتى ووصلنا لايه .. ويوميا يوصلنى
مييل بتحركات د/مرسى .. وبعد فترة قالى يامدام هو مش مهتم بالاعلام لان
تركيزه اكتر فالمحافظات بين الناس .. المرشح الوحيد اللى الميديا عنده بعد
الشارع .. وكان اخر حل وصلنا له ان اروح له مؤتمر صحفى اسجل معاه وفعلا
روحت الخميس 17 علشان انزل بالحلقه الاحد 20 لكن لظرف خاص الخلقه منزلتش ..
صحيح د/مرسي مش الشخصيه اللى تقدر تحكم عليها كشخص منفرد .. لما روحت اسأله
ف حاجه رد بدون ترحيب قالى اللى تعوزيه بلغى به المسؤلين عن الميديا الاول
وهما يقولوا لى .. هو مثال متجسد للانسان اللى عبارة عن ترس ف ماكينه كبيرة
كلهم بيكملوا بعض بجد
التحرير المصرية في
24/05/2012 |
